مرحباً بالجميع
في تدوينة اليوم بتكلم عن تجديد البشره زي ماوعدتكم في التدوينةة الي قبل
اول شي ايش يعني تجديد بشره؟
كيف تجددي بشرتك بنفسك؟
____________________
البشره تحتاج تجديد وتنظيف من وقت للثاني
لأنو في خلايا جديده تنمو
فضروري نتخلص من الخلايا الميته..
الي تكون سبب في سد المسام فتطلع لنا الرؤوس السودا
والكلف ...الخ
وكمان تغير من لون البشره ..
فتصير باهته وتعبانه ....
__________________
×××××××××××××
عشان نجدد البشره
نحتاج لمقشر
طيب ايش هو التقشير؟؟؟
هي عمليه بسيطه وسهله
تعمل على التخلص من الخلايا الميته
__________________
×××××××××××××
طيب ايش انواع المقشرات؟؟
أنواعها كثير وتختلف باختلاف الشركة
بس افضل المقشرات والي كثير اتفقو ع الشي ذا
١/مقشر المشمش
٢/مقشر بالاناناس وبذر الافوكادو
٣/مقشر البابايا
وفي انوااااااع كثير
ومو شرط تستخدمي نفس الي ذكرتهم
استخدمي الي يناسبك
__________________
×××××××××××××
وتقدري تسوي مقشر طبيعي
سكر ناعم -زيت زيتون او لوز مر وشويةة ليمون
___________
كيف تقشري بشرتك؟؟
تنظفي وجهك بالحليب المنظف وموجود انواع كثير
مثل
لوريال
نيڤيا
غارنيه
بعد مانظفتي وجهك الجميل
وزعي المقشر على وجهك بطريقةة دائرية
وتقدري تستخدمي جهاز كلاريسونيك لو متوفر عندك
من التقشير الي سويتيه راح تروح الخلايا الميته
وتفتح المسام
وتنشط الدوره الدموية
وتزيل الرؤوس السودا
بعد كذا غسلي وجهك وتقدري تحطي قناع
أما جاهز
او أنتي تسويه
والصيدليات مليانةة وبودي شوب و ذا فيس وغيرهم
أقنعه جاهزه
اختاري ألي يعجبك
اما القناع الطبيعي
فسبق ونزلت كذا بوست بحسابي
حطيت فيهم الأقنعة الي استخدمها
زي قناع الشوفان
(ملعقه شوفان مطحون -ملعقتين زبادي-شويةة ليمون)
قناع السدر
( ملعقه سدر مطحون - ثلاث ملاعق زبادي )
قناع الطين
( طين مغربي تقريبا اربع قطع-روب او موية ورد )
ولنتيجةة افضل سوي بخار مرا بالشهر طبعا
وطريقته نزلتها في التدوينةة الي قبل
فامان الله
0 التعليقات:
إرسال تعليق